雖然腰圍由黃金（發育不良）時期的26吋，慢慢脹脹下成為依家的34吋，但勝在阿媽生得高兼識遮遮掩掩，發覺我肥的人不是太多。可惜自從上次《燃燒編輯部》事件後，令大家知道我天生甜品焚化爐身分，愈來愈多人留意到遮掩之下的真相，卒之就多了個「」—肥霸。口於人家處，被叫肥霸你阻止不了，雖然這暫時未成事實，但放任落去難免成真，到時就喊都無謂。本想「的」起心肝減肥，但年紀大機器壞，落街跑完半粒鐘就氣來氣喘，咁都算喇，最悲跑完後勁肚餓，轉頭上返樓仲食個突，一邊通坑渠一邊倒垃圾，仲衰多幾錢重。突然天上傳來一把聲音：「減肚腩，點解唔試減肥腰帶呢件懶人之寶呀﹗」差不多同時間，身邊又傳來那個搵過氣港姐賣廣告的產品極有效，當然馬上行動，買條返屋企啦﹗震了個多星期，感覺係有少少效，但又冇朋友講得咁神奇，唔知係咪我用法有錯呢？Anyway，總之keep到我可以繼續食、又唔使繼續肥，已經OK喇﹗

加代   2006-03-17   18:41:40

(32895.jpg )