(27698.jpg )
自問是一個非常大懵的人，經常將隨身物件跟衣物一同清洗，除了經常「洗」晒所有錢外，錢包內所有卡呀、證件呀、相呀都無一倖免，而自從成為iPod用家之後，2年多3年來洗得最多的，就是headphone。正因為「洗」得多，遂有另類心得。隨機附送的原裝headphone最唔洗得，一次就即刻報消，反而iPod專用的in ear headphone（最初$300，近日見到有地方$220成交）就非常好洗，音色不俗之外，於任期內被洗了不下10次，不論是自然風乾還是乾衣機，之後仍是一條好漢，音色仍然OK，只係「外殼」最後經不起考驗，最後銅絲外露先被逼退役。隨後轉用了Sxny掛頸in ear款，音色雖比前任為佳，可惜不算耐洗，經過1次考驗之後，最初雖冇異樣，但不久卻告單邊失聲，被逼退役。因此最近再買headphone，都係買翻原裝in ear款，而各位如果同我一樣咁大「洗」，都應該用這款headphone。（加代）